Afrikaanse man aangeval omdat hy EFF ondersteun

Foto: Twitter

Foto: Twitter

Wiekus Kotze, ʼn Afrikaanse man wat ʼn lid is van Julius Malema se EFF-party, word op sosialemedia-platforms aangeval en as ʼn verraaier bestempel deur die Afrikaanssprekende gemeenskap, het die Saturday Star berig.

Kotze sê die aanvalle op sosiale media het begin nadat hy verlede week in die Ekonomiese Vryheidsvegters (EFF) se sentrale struktuur in Gauteng aangestel is. Kotze dra met trots sy EFF-baret en het aan die koerant gesê mense het hom as ʼn idioot beskryf. “Hulle het gesê ek is ʼn idioot, ʼn dwaas, dat ek witvoetjie soek by swartmense, dat ek ʼn verraaier is weens my wit vel.”

“Wat is ʼn wit vel? Maak jou velkleur jou beter? Want as jy sê ek verraai my wit vel, dan beteken dit maar net dat jy glo dat ʼn wit vel beter is,” sê Kotze. “Sulke mense het nog steeds ʼn Verwoerd-mentaliteit gebaseer op die feit dat jy wit is en dat jou taal Afrikaans is.”

Kotze voer aan hy was 16 jaar lank ʼn lid van die ANC. Hy het toe by Agang SA aangesluit, maar is geskors omdat hy “demokratiese prosesse” in die party wou vestig.

Hy glo sterk aan Malema se visie. “Malema het ʼn ongelooflike begrip van wat dié land kan bereik. Ek bewonder sy waagmoed en vreesloosheid. Mens het só iemand in die parlement nodig. Julius Malema is baie talentvol,” het hy aan die koerant gesê. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
George Barnard

Mnr. Kotze los wyle Dr Verwoerd se naam Uit enige een wat by die eff aansluit het n probleem aub weet nie hoe oud jy is nie maar ek reken jy ie nog n kInd Wyle Dr Verwoerd het die regte tdees en planne gehad as HY nie deur n lafaard vermoor was nie so ons n baie beter lewe gehad het

HP

Onder \verwoerd he SA die beste ekonomiese groei ooit gehad. Onder Mal Emmer gaan ons almal vrek van die honger!!!!

GawieM

Werfetter

Zet

Idioot, dwaas, en verraaier. Jy verdien om so genoem te word.

Andre

Los die man uit. Indien hy die kepsie vroeer gekry het sou hy nie sonstraal gehad het nie