Britte, wat nou 20 jaar oud is, sal dalk moet werk tot hulle eendag 70 is voor hulle staatspensioen sal kan ontvang, berig die BBC.
Ingevolge beleid van die Britse regering behoort mense nie langer as ‘n derde van hul lewe op pensioen te wees nie. Met die lewensverwagting wat nou vinniger as wat verwag is, styg, gaan stemme op dat die pensioenleeftyd elke vyf jaar hersien moet word. Teen 2028 lyk dit of die aftree-ouderdom reeds 67 jaar sal wees.
Die hersiening van die aftree-ouderdom sal oor 50 jaar reeds ‘n besparing van honderde miljarde ponde beteken het.