Agt sterf in vragmotorongeluk

Agt mense is dood en 22 ander ernstig beseer nadat twee vragmotors gebots het naby Gouda in die Wes-Kaap.

ʼn Woordvoerder van die provinsiale verkeersdepartement, Kenny Afrika, sê die twee vragmotors het omstreeks 7:00 Maandagoggend op die R44 tussen Saron en Gouda gebots. Hy sê ʼn laaigraaf het hierna teen een van die vragmotors gebots en sy sleepwa van ʼn brug af gestoot. “Die hele gedeelte van die trok het losgebreek en oor die relings van die brug gegaan en op die Klein Berg rivierbank te lande gekom.” Afrika sê talle van die beseerdes is per helikopter na Kaapstad vervoer.