Mervin Jordaan (18) van Boksburg is Sondag glo uit weerwraak met ʼn haelgeweer doodgeskiet.
Volgens luitenant-kolonel Lungelo Dlamini, ʼn polisiewoordvoerder, het die voorval tydens ʼn aanval in Reigerpark plaasgevind.
“Jordaan is buite ʼn woonstelblok in die buurt geskiet. Hy was uit op borg op ʼn aanklag van poging tot moord,” het Dlamini gesê.
“Die rede vir die moord is nog nie bekend nie, maar die polisie vermoed dit was ʼn wraakaanval,” het Dlamini gesê.