Sir Alex Ferguson
Sir Alex Ferguson, wat vir 26 jaar lank aan stuur van sake by Manchester United-sokkerklub was, het Woensdag sy uittrede aangekondig.
Manchester United het op hul webtuiste bevestig dat Ferguson (71) aan die einde van die seisoen gaan aftree.
“Die besluit om uit te tree is een waaroor ek baie gedink het en dit is nie ʼn besluit wat ek ligtelik opneem nie. Dit is die regte tyd,” het Ferguson gesê.
“Ek moet hulde bring aan my familie, hul liefde en ondersteuning was noodsaaklik. My vrou Cathy is die sleutelfiguur in my loopbaan.”
Hy sê dit was vir hom belangrik om die klub op ‘n hoë noot af te sluit en hy glo hy het dit gedoen.
Ferguson het die leisels in 1986 as afrigter oorgeneem waarna die klub verskeie suksesse behaal het.
