Lede van die Association of Mineworkers and Construction Union (AMCU) gaan Vrydagoggend begin staak in ʼn poging om grootskaalse afleggings by Anglo American Platinum (Amplats) te stuit.
Amplats het vroeg in September kennis gegee dat hy 3 300 werknemers as deel van ʼn herstruktureringsproses gaan aflê, terwyl ’n bykomende 1 600 vrywillige skeidingspakkette aangebied sal word.
Konsultasies tussen die werkgewer en Amcu, wat nagenoeg 40% van die werknemers by Amplats verteenwoordig, het op ʼn dooiepunt uitgeloop en die vakbond het die werkgewer Maandag van die beplande staking ingelig.
Die staking sal na verwagting werksaamhede by Amplats in Rustenburg en in Limpopo ontwrig. Amplats het verlede jaar aangekondig dat hy beplan om 14 000 mense af te lê as deel van ʼn herstruktureringsproses, maar het weens druk deur die regering en vakbonde, die hoeveelheid beplande afleggings tot 4 900 poste beperk.
Snaaks, hulle veroorsaak die aflegings, nou wil hulle weer staak oor dit……gaan net nog veroorsaak!!
Ek kan ook nie die kloutjie by die oortjie kry van diesulkes wat nou weer wil staak oor die gevolge van hulle vorige stakings! Dis soos ‘n hond wat sy stert jaag!!!
Jy’s reg, en kort voor lank is hulle terug by 14 000 afleggings want die maatskappy het nie meer ander opsies nie – uiters dom!