Amerika het glo ʼn waarskuwing aan toeriste uitgereik dat Pretoria, Johannesburg, Durban en Kaapstad “kritieke misdaad gevaarplekke” is.
Die waarskuwing is deur die Amerikaanse Buro van Diplomatieke Sekuriteit uitgereik, het The New Age Woensdag berig.
“Geweld en kontakmisdade is ʼn groot bekommernis in Suid Afrika. Sulke misdrywe sluit huisbrake, roof, kapings, straatrowe, gryp-en-spaandervoorvalle , georganiseerde aanvalle op kommersiële en kleinhandel-sentrums, kitsbankbomaanvalle sowel as transito-rowe in,” aldus die waarskuwing.
Volgens die waarskuwing huiwer kriminele nie om van dodelike wapens gebruik te maak nie, en moet informele nedersettings vermy word.
“Uitlanders word nie noodwendig geteiken nie, maar talle was al die slagoffers van verkragting.”
Jack Hillmeyer, woordvoerder van die Amerikaanse ambassade, het gesê veiligheid- en sekuriteitsverslae is normale praktykte in alle lande waar Amerika se departement van buitelandse sake konsulêre dienste aan sy burgers voorsien, en dit is nie tot Suid-Afrika beperk nie. “Die meerderheid van Amerikaanse toeriste wat Suid-Afrika besoek, keer terug sonder enige voorvalle,” het hy aan die koerant gesê.
President Barack Obama besoek Pretoria en Kaapstad aan die einde van Junie.
– Sapa
Amerikaners weet meer as ons.
Hoe bedoel jy nou dis presies wat gebeur.
Misdaad is mos ou nuus! Gaan stap vanaand deur Sunnyside, jy sal nie anderkant uitkom nie!