ANC bespeur “rassespanning” in DA

Die ANC het gesê die DA se twee kandidate vir die premierspos in Gauteng dui daarop dat daar rassespanning binne die party is.

“Die feit dat die DA twee premierkandidate het, is ʼn duidelike teken dat die party in ʼn toestand van wanorde, verwarring en leierskaptwis gewikkel is,” het
, voorsitter van die ANC in Gauteng, gesê.

Hy het reageer op die nuus dat Jack Bloom, die DA se leier in Gauteng, en die DA se woordvoerder, Mmusi Maimane, sal meeding as voorkeurkandidate vir die premier.

“Dit is ʼn duidelike aanduiding dat daar gevegte in die party tussen wit en swart bestaan. Dit is as gevolg van gierigheid, faksiegevegte en skeurings wat veroorsaak word deur ʼn gebrek aan beleid en identiteit. Ons weet die DA is ‘n wit party wat wil skuil agter ‘n fasade van ‘n swart gesig. ”

Ntuli het Maimane se kommentaar as politiese retoriek verwerp en sê dit word gedoen om die aandag af te trek van die ANC se gebreke. “Die ANC het geen diensleweringsrekords nie en verloor geloofwaardigheid. Hulle wil net oor rasse stry,” het Maimane gese.

Maimane het gesê pogings om die DA as ʼn wit party uit te beeld, skep die beeld dat die ANC ʼn “swart party” is. “Hulle fokus op rasse-kwessies bewys die ANC het afstand gedoen van hul ‘nie-rassige beginsels’ van hul voormalige president, Albert Luthuli,” het Maimane gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Stoere Boer ·

Nee ANC dit wys jou jy kan enige twee as kandidaat kies (demokraties) en nie net Swart kandidate aanstel nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.