ANC-leier in Limpopo ontvoer, aangerand

Argieffoto

Argieffoto

Tollie Mashamaite, die ANC se streeksekretaris van Waterberg, is Sondag glo deur drie gewapende mans ontvoer en aangerand.

Brig. Mangwani Mulaudzi, ʼn polisiewoordvoerder, het Dinsdag gesê Mashamaite is omstreeks 21:00 glo ontvoer nadat hy uit ʼn winkel gestap het. “Hy is in sy voertuig in gedwing deur drie onbekende gewapende verdagtes,” het Mulaudzi gesê.

Mashamaite beweer hy is na die Steiloop-omgewing geneem waar hy aangerand is. Die aanvallers het na bewering R6 000 en twee selfone gesteel voor hulle hom in sy voertuig se kattebak toegesluit het. Hy is Maandag vrygelaat toe ʼn verbyganger klopgeluide binne die kattebak gehoor het.

Die ANC in Limpopo het die aanval sterk veroordeel en hul leiers aangemoedig om paraat te wees as hulle in die provinsie reis.

Die motief vir die aanval is nog nie bekend nie.

Mashamaite is in Desember as die streeksekretaris verkies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

PURE BOER ·

Die eff gaan dit nog baie doen. Hulle wil die leiers wees in elke gemeenskap. Plaas julle mekaar nou begin aanvat op die hoogste manier sodat SA n beter plek kan word as die meeste van julle nie meer hier is nie. Ons sal weer regeer, en dan sal dit met n yster hand wees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.