ANC oortuig brand is vuilspel

Polisievoertuie buite Luthuli House Foto: @ewnreporter op Twitter

Polisievoertuie buite Luthuli House Foto: @ewnreporter op Twitter

Die regerende party het Woensdag gesê hy is oortuig daarvan dat ʼn brand wat Dinsdagaand by Luthuli House, sy hoofkantoor in Johannesburg, uitgebreek het, vuilspel is.

Jackson Mthembu, die woordvoerder van die ANC, het gesê ʼn bottel vol chemikalieë wat vermoedelik die vuur begin het, was strategies onder ʼn rusbank in die ontvangs geplaas. Die rusbank het aan die brand geslaan toe die bottel ontplof het. “In ons mening is ons oortuig daarvan dat dit brandstigting is,” het hy gesê.

Hy het gesê die chemikalieë wat in die bottel was, het dampe nagelaat wat steeds in die gebou geruik kan word. Mthembu het bevestig dat die polisie, die polisie se bomeenheid en ander kenners almal eens is dat dit wel ʼn poging tot brandstigting was. “Dit is baie duidelik waarmee ons te doen het, en ons beskou hierdie optrede in ʼn ernstige lig.”

Die ANC het hul teleurstelling oor die voorval uitgespreek en gesê sulke dade het nie plek in ʼn demokratiese nasie nie. “Ons het kanale om kwessies te hanteer en pogings tot brandstigting is nie een daarvan nie; dít is ʼn kriminele misdryf.”

“Suid Afrika het nie sulke voorvalle nodig nie. ʼn Aanval op die kantore van die regerende party of enige politieke kantoor in ʼn demokratiese nasie is iets wat ons nie nodig het nie,” het hy bygevoeg.

Maroela Media het vroeër berig die polisie ondersoek ʼn beweerde brandstigtingsaanval by die gebou. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Trippie

Die hele ANC se bestaan is VUILSPEL !

KRY VIR JULLE.

Willy

Dis die metode wat gevolg word wanneer daar gejokkie word vir na die verkiesing posisies.

Stoere Boer

Verstaan nie waaroor die ANC onsteld is nie. Hulle het hulle “mense” geleer met geweld, klippe en vuurhoudjies maak jy alles reg. Nou skielik sê hulle “Ons het kanale om kwessies te hanteer en pogings tot brandstigting is nie een daarvan nie; dít is ʼn kriminele misdryf.” Miskien is dit omdat dit ‘n poging was en nie ‘n sukses nie.

Erich Goosen

Vuil spel of owerspel? Was Vavi nie dalk in Luthuli Huis nie?

AS

Hulle sal mekaar uit haal…