ANC-raadslid vas oor verkragting

ʼn ANC-raadslid is Dinsdag in Noordwes in hegtenis geneem nadat hy glo ʼn 13-jarige meisie verkrag het.

Brig. Thulani Ngubane, woordvoerder van die polisie, sê die meisie en haar vriendin het glo Saterdag terug huis toe geloop nadat hulle by ʼn sportgrond was toe die 45-jarige raadslid hulle ʼn saamrygeleentheid aangebied het. Die raadslid het glo aan die meisies gesê hy moet geld trek in Makapanstad waarna hy glo na Hammanskraal gery het en die geld daar getrek het. Hy het toe glo vir die meisies kos gekoop. Ngubane sê die man het beloof om hulle terug te neem huis toe. “Terwyl die verdagte besig was om te bestuur het hy die motor tot ʼn stilstand gebring en die meisie gedwing om saam met hom die veld in te gaan waar hy haar verkrag het. Die verdagte het glo hierna ʼn ent verder gery en die meisie weer verkrag.” Die meisies kon egter daarin slaag om te ontsnap. Die meisie se ma het Maandag die saak aangemeld. Die raadslid sal na verwagting Vrydag in die Themba-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Wilma Venter ·

EN DIT IS ONS LAND SE RAADSLEDE???? GOEIE DONNER…. WAT WORD VAN ONS LAND?????Gaan hy ‘n boete kry en LOOP? wat van die tannie wat VERKRAG IS NADAT HAAR MAN VERMOOR IS??? Wat gaan hulle aan daardie twee b@$#&*!s doen??? ‘n Boete en dan loop????

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.