Appèlhof sê oor Fred se saak

Die hoogste hof van appèl in Bloemfontein gaan moontlik vandag besluit of Fred van der Vyver wel kwaadwillig deur die polisie vervolg is weens die moord op sy destydse meisie, Inge Lotz.

Van der Vyver dagvaar die minister van polisie vir R46 miljoen se skadevergoeding nadat hy in 2005 vir die moord op Lotz in hegtenis geneem is. Hy is in 2007 deur regter Deon van Zyl van die moord vrygespreek. Die Wes-Kaapse hooggeregshof het in Augustus 2011 beslis dat Van der Vyver wel kwaadwillig deur die polisie vervolg is. Die polisie het teen die uitspraak geappelleer.

Lotz is in Maart 2005 in haar woonstel in Stellenbosch vermoor.