Armstrong-boeke nou in bib se fiksie-afdeling

Lance Armstrong

‘n Australiese biblioteek het besluit om boeke oor Lance Armstrong, gevalle fietsheld van Amerika, na die fiksie-afdeling te verskuif.

Die boeke wat glo geskuif word sluit Images of a Champion, The Lance Armstrong Performance Program en Lance Armstrong: World’s Greatest Champion in, maar ook ander boeke wat oor hom handel gaan na die fiksie-afedling van ‘n biblioteek in Sydney verhuis.

Armstrong het oornag ‘n skurk geword na dit bekend geword het dat hy sy jarelange vertonings met verbode middels aangehelp het. Hy is onder meer van sy sewe Tour de France-oorwinnings gestroop, en lewenslank uit die sportsoort geskop.

Die internet word oorstroom van lesers wat boeke oor Armstrong gekoop het, en nou voel hulle is vir die gek gehou.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae