Arno Jordaan en sy vrou, Lizanie, het Donderdag die trotse ouers geword van ʼn babaseuntjie, Milan. Dit is die egpaar se eersteling.
Jordaan het Woensdag op Twitter ʼn foto gelaai en geskryf: “My en Lizanie se ete alleen voor daai bulletjie sy verskyning maak!”
Gelukwensings het Donderdag ná Milan se geboorte na Arno se Twitter-profiel (@Arnojordaan) ingestroom.
Selfs Steve Hofmeyr het getwiet: “Welkom Milan. Ons wag al lank vir jou. Sterkte Lizanie en Arno.”
Arno het skertsend hierop reageer: “Thx Stevo. Seker darvan hy sien uit om oom Steve te ontmoet!” [sic]. Steve het weer teruggeskryf: “Ek het baaaie om hom te vertel hehe”. Arno het gou-gou geantwoord: “neeeeee!!!!”
Die paartjie is verlede jaar op 14 Januarie tydens ’n glansryke seremonie in Tzaneen in die huwelik verbind. Hulle het by dieselfde plek getrou waar hy haar die eerste keer ontmoet het.
Baie geluk!!!