Rui Moca en sy verloofde Monique Joubert het gister in JacarandaFM se ateljee in Midrand getrou nadat hulle mekaar twee jaar terug beloof het dat hulle sal trou wanneer dit weer in Johannesburg sneeu.
JacarandaFM berig dat Joubert se sussie Laurika gistermiddag vir die stasie ‘n e-pos gestuur het waarin sy vir hulle vertel het van die paartjie se belofte aan mekaar toe hulle sowat twee jaar terug verloof geraak het. Die aanbieder van die Afternoon Drive-program Martin Bester en sy span het binne drie uur ʼn trourok, ʼn koek, ʼn dominee en ʼn wittebrood vir die paartjie gereël. Daar is ook geskenke, ʼn troumotor en blomme geskenk. Om 19:00 gisteraand is die paartjie regstreeks op die radio in die eg verbind deur pastoor Francois Joubert. Monique se gesin het die seremonie bygewoon terwyl Rui se gesin dit via die internet in Portugal geluister. Die paartjie sou in April volgende jaar trou.
Om na ʼn opname van die troue te luister klik hier.