Baba se ekstra skedel verwyder

Argieffoto

Argieffoto

Dokters in die stad van Jalalabad in Afghanistan het verlede week ’n ingewikkelde operasie op klein Asree Gul (haar naam beteken “nuwe blom”) uitgevoer om die ekstra skedel waarmee sy gebore is, te verwyder.

Dokters vermoed dat die ekstra koppie dié van ’n identiese tweeling boetie of sussie is, wat nooit verder ontwikkel het nie. Asree Gul het egter nog ’n tweelingsussie wat normaal gebore is.

Dr Ahmad Obaid Mojadidi, die chirurg wat die operasie uitgevoer het, het gesê dat die operasie op Asree Gul die ingewikkeldste operasie is wat nog ooit in dié arm stad gedoen is. Hy het die operasie gratis gedoen omdat Asree Gul se ouers nie die operasie kon bekostig nie.

Mojadidi het egter gewaarsku dat Asree Gul nog in ’n baie ernstige toestand in die hospitaal is. Haar pa, Nematullah was ná die operasie baie emosioneel en het die dokters bedank omdat hulle sy dogtertjie se lewe gered het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.