Baba sterf glo weens traangas

Argieffoto

Argieffoto

ʼn Drie maande oue baba, wat glo traangas ingeasem het wat tydens ʼn betoging afgevuur is, is naby Brits in Noordwes dood aangetref in sy ouerhuis.

“Die baba se liggaam is Vrydag in die ouers se slaapkamer aangetref,” het brig. Thulane Ngubane, woordvoerder van die polisie, Saterdag gesê. “Die gesin voer aan die baba het moontlik gesterf nadat hy van die traangas ingeasem het.” Die polisie moes glo van die traangas gebruik om betogers, wat onwettig in Majakaneng bymekaar gekom het, uit mekaar te jaag.

Die kind was glo in die pa se sorg gelaat. ʼn Gebruikte traangashouer is buite naby die slaapkamer opgespoor.

Ngubane sê dit is nog nooit bewys dat traangas dodelik kan wees nie. “Die ondersoek duur voort en die patoloog sal bepaal wat die oorsaak van die kind se afsterwe was.”

Die kind se geslag is nie bekend gemaak nie. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae