‘n Amerikaanse soldaat deursoek Reuters se fotograaf, Goran Tomasevic by ‘n padblokkade naby die Palestynse hotel in Baghdad 10 April 2003. Foto: AFP /PATRICK BAZ
Ongeveer dubbel soveel joernaliste is vanjaar ontvoer in vergelyking met verlede jaar.
Volgens Verslaggewers Sonder Grense is 87 joernaliste vanjaar ontvoer, teenoor 38 verlede jaar. Altesaam 49 joernaliste is vanjaar reeds in Sirië ontvoer.
Vanjaar het reeds 71 joernaliste in die uitvoering van hul werk gesterf. Dit is effens minder as verlede jaar se 88, maar verlede jaar is as ‘n besonder dodelike jaar vir joernaliste beskryf.
Sirië, Somalië en Pakistan was vanjaar die gevaarlikste lande vir joernaliste. Altesaam 187 joernaliste word ook deur lande soos China, Turkye, Sirië en Iran in tronke aangehou.
