Rachael Claire Martin (24) wat vir Barclays in Cornwall, Engeland, gewerk het, het glo £46 000 gesteel om verskeie skoonheidsbehandelings te ondergaan.
Martin het die geld glo aangewend vir ‘n borsvergroting, om haar tande witter te maak, om vet uit te suig en om verlengstukke in haar hare te sit om haar kanse om ‘n model te word, te verbeter. Sy het aanvanklik die beskuldigings ontken, maar het uiteindelik skuldig gepleit dat sy die fondse oor ‘n periode van agt weke gesteel het.
Martin het glo £4 000 spandeer om haar borste te laat vergroot en £1 700 vir tandheelkunde. Sy het glo ook op “wilde inkopietogte” gegaan.