Bejaarde egpaar in Mpumalanga vermoor

ʼn 75-jarige man en sy vrou is in hul huis in Tonga, Mpumalanga vermoor.

ʼn Polisiewoordvoerder, kapt. Leonard Hlathi, sê die egpaar se buurvrou het omstreeks 21:00 Saterdagaand op hulle ontbinde lyke afgekom. Hlathi sê die vermeende moordenaars het die voordeur oopgebreek om toegang tot die huis te kry. Hy sê die egpaar is vermoedelik met ʼn byl doodgekap. Hlathi sê dit is onduidelik of enige huishoudelike items vermis word. Die egpaar is glo Woensdag laas gesien deur die buurvrou wat op hulle lyke afgekom het. Hlathi sê die buurvrou het bekommerd geraak toe sy hulle vir twee dae nie gesien het nie. Die ouderdom van die oorlede vrou was nie onmiddellik bekend nie. Die polisie ondersoek ʼn saak van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.