Bejaarde vrou in Grahamstad aangeval

Argieffoto

Argieffoto

ʼn 70-jarige vrou is Dinsdag helder oordag by haar huis in Grahamstad in die Oos-Kaap aangeval en beroof.

Kapt. Mali Govender, ʼn polisiewoordvoerder, het Woensdag gesê twee mans in groen oorpakke het in die middag haar huis betree en haar oorval. Hulle het haar hande vasgebind en haar in die badkamer toegemaak terwyl hulle die huis geplunder het.

“Hulle het in die slagoffer se geel VW Jetta, ʼn laat 80s model met die registrasienommer CCY 575 EC, gevlug. Hulle het ook met ʼn paar huishoudelike items, haar televisie, ʼn DVD-speler, linne en haar handsak gevlug,” het Mali gesê.

Die vrou kon daarna daarin slaag om haarself los te wikkel, waarna sy die paniekknoppie van haar huis gaan druk het. “Die vrou was verskriklik getraumatiseerd. Sy is deur paramedici op die toneel gestabiliseer en na die hospitaal geneem vir behandeling.”
Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Jasper ·

Die vuilgoed loop altyd in troppe. Wildehonde doen dit ook

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.