Argieffoto
‘n 73-jarige vrou van Dominionville in Noordwes wat aan rolstoel gekluister is, is glo deur ‘n man verkrag.
Die vrou was glo alleen by die huis toe sy aangeval en verkrag is. “Bure het hul na haar huis gehaas toe hulle die honde hoor blaf het,” het kaptein Aafje Botman, woordvoerder vir die polisie, gesê. Die vermeende verkragter het gevlug voordat die bure opgedaag het.
Niemand is nog in verband met die voorval in hegtenis geneem nie.
