Nora Ephron, ʼn Oscar-genomineerde veelskrywer en rolprentmaker, is Dinsdag op ʼn ouderdom van 71 oorlede.
CNN berig sy is in ʼn hospitaal in New York weens bloedkanker dood. Haar familie het haar bygestaan.
Ephron het bekendheid verwerf vir haar rol as draaiboekskrywer en regisseur van veral romantiese komedies. Lokettreffers soos When Harry Met Sally, Sleepless in Seattle en Silkwood is van die flieks wat, te danke aan haar, die lig gesien het.