Bekendes treur saam Waldemar Schultz en Ira oor seun se dood

Huldeblyke en boodskappe van ondersteuning stroom in vir Waldemar Schultz, oftewel Jan-Hendrik van 7de Laan, en sy vrou Ira Blanckenberg, oftewel Erika Landsberg ook van 7de Laan, nadat hul 14-jarige seun, Kieran, die naweek per ongeluk na sy dood geval het.

Maroela Media het Saterdag berig Kieran is dood nadat hy van ʼn uitkykpunt in Hermanus gegly en geval het. Lees meer hier.

Die nuus het skokgolwe deur die land gestuur en talle aanhangers het hul medelye op Twitter en Facebook uitgespreek.

Verskeie bekendes het ook hul ondersteuning aan die egpaar op Twitter betuig.

Die model Lee-Ann Liebenberg het getwiet: “My hart breek vir Waldemar Schultz. Die foto in die koerant waar hy sy seun se hand vashou…..”

Heinz Winckler skryf: “My hart breek vanoggend vir Waldemar Schultz en sy familie se tragedie met hul seun. Ons bid saam vir julle.”

Soli Philander skryf: “Hartverskeurende nuus oor die dood van Waldemar Schultz se seun. Ek dink aan die familie. RIV Kieran.”

Wicus van der Merwe skryf: “Wil darem ook net na alles vandag my innige meegevoel betuig aan Waldemar Schultz met die verlies van sy seun. Sterkte.”

Hykie Berg skryf: “Waldi ons almal dink aan jou. Ons staan bankvas agter julle.”

Kurt Darren se vrou, Dunay, skryf: “Dink so baie aan Waldemar Schultz en sy familie… hoe ontsaglik hartseer om ʼn kind te verloor en dan so tragies ook nog.”

Kieran se begrafnisreëlings is nog nie in die stadium bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Trippie

Geen mens kan ooit die leemte vul van ‘n kind se afsterwe nie. Julle bly in my gedagtes en gebede. RUS IN VREDE JONGMAN.

Daleen Janse v Rensburg

Mag ons hemelse Vader julle in die tyd dra en versterk. Dis ‘n vreeslike verlies dra julle op in ons gebede!

Fransina Kloppers

Ons bid vir Jesus se vertroosting in hierdie moeilike tyd!

Marinda Hibbers Pretorius

Daar is nie woorde vir hierdie soort van seer vir `n ouer paar.ek is so ontsettend jammer

Carmen Brewis

Ai Waldi en gesin;
Woorde kan nie beskryf hoe jammer ek julle het nie. Ek wens mens kon die tyd terugdraai, maar ongelukkig … Mag God Self julle troos.
Groete
Carmen Brewis