‘n Beseerde dwerg-potvis (ook bekend as ‘n spermwalvis) het Saterdag by Surfers Corner in Muizenberg uitgespoel.
Craig Lambinon, woordvoerder vir die Nasionale Seereddingsinstituut (NSRI) het gesê die 2.5 meter lange walvis het snymerke aan sy maag gehad wat deur die herhaaldelike stamp teen die rotse veroorsaak is.
Die walvis is hierna deur die departement van omgewingsake en die dierebeskermingsvereniging (DBV) uitgesit. “Die karkas word na die departement van omgewingsake in Paarden Eiland geneem waar ‘n nadoodse ondersoek uitgevoer sal word.
