ʼn Voormalige bestuurskoolinstrukteur is Donderdag deur die Pretoria-Noord hooggeregshof tot vyf jaar tronkstraf gevonnis nadat hy in 2006 die dood van twee studente veroorsaak het.
Frans Molekwa (39) het op sy selfoon gepraat en deur verkeer gevleg onderweg na die Hammanskraal-toetsstasie met vyf studente in die voertuig, berig Beeld.
Hy het beheer oor die voertuig verloor en dit het omgeslaan. Quentin Markus Boshoff en Thato Moloto is in die ongeluk oorlede. Molekwa en die drie ander passasiers is ernstig beseer.
Molekwa het vroeër skuldig gepleit op ʼn aanklag van strafbare manslag. Landdros Ben van Schalkwyk het Donderdag sy lisensie vir vyf jaar opgeskort en hom tot vyf jaar tronkstraf gevonnis.
– Sapa
