Betogers in Sasolburg. Foto: @southafrica_sos / Twitter
Honderde ontstoke inwoners van Zamdela, buite Sasolburg in die Vrystaat, het Woensdag na die munisipale gebou gestap om aan te dring dat die burgemeester uit sy amp verwyder word.
Die betogers het ʼn memorandum, wat griewe teen burgemeester Brutus Mahlaku bevat, by die munisipale gebou oorhandig. Een van die betogers het gesê daar is bedrog en korrupsie in die munisipaliteit. Hulle beskuldig ook die burgemeester dat hy nie na die inwoners luister nie.
Die betogers het agter twee polisievoertuie geloop, hande vasgehou en gesing terwyl hulle gestap het. Hulle het vir toeskouers geskreeu om by die optog aan te sluit.
ʼn Groot polisieteenwoordigheid was op die toneel.
In Januarie is minstens 238 mense in hegtenis geneem nadat geweld in Zamdela uitgebreek het. Inwoners het toe betoog oor planne om Sasolburg met die Ngwathe plaaslike munisipaliteit te laat saamsmelt.
Lees ook:
Sasolburg-geweld eis vier
Foto’s: Nog ‘n betoger sterf in Sasolburg-geweld
Sasolburg: Betogers bestorm polisiestasie
Foto’s: Situasie vererger in Sasolburg
Honderde vas vir Sasolburg-protes
Sasolburg-betogings: Polisie aangeval
