Meer as 70 mense het Donderdag tydens ‘n diensleweringsbetoging buitebande op die N2-snelweg in Kaapstad gebrand en motors met klippe bestook.
“Die polisie is omstreeks 07:00 oor die betoging ingelig,” het kol. Tembinkosi Kinana, woordvoerder van die polisie in die Wes-Kaap, gesê. Die betogers was hoofsaaklik van Langa en Philippi-Oos. Kinana sê die polisie het die betogers laat verdaag. Hulle het egter later weer in Lansdowneweg begin betoog. “Geen beserings is aangemeld nie en die polisie hou die situasie dop.”