Beyoncé wil Saartjie Baartman vertolk

Beyoncé. Argieffoto.

Beyoncé. Argieffoto.

Die gewilde popster, Beyoncé, wil die hoofrol in haar eie fliek speel wat die lewe van die Khoi-San-vrou Saartjie (Sarah) Baartman uitbeeld.

Baartman is in die laat 1800’s en vroeg 1900’s in sirkuskonserte weens haar groot agterstewe uitgestal ná sy deur Alexander Dunlop, ʼn ondernemende Skotse dokter, aan Londen bemark is.

Die koerant The Sun het in ʼn onlangse berig gesê die sanger, wat die meeste Grammy-benoemings van alle tye ontvang het, het ʼn groep toneelafrigters en skrywers aangestel om aan die fliek te begin werk. “Beyoncé is desperaat om ernstig as aktrise opgeneem te word. Selfs al het sy ʼn paar goeie flieks gehad, dink sy steeds haar deurbraakrol is op pad,” het ʼn bron aan die koerant vertel.

“Sy wil ʼn draaiboek skryf wat vir haar respek en toekennings in die toneelbedryf gaan besorg, en sy dink Baartman se storie sal dit vir haar moontlik maak. Dit sal vir haar die wêreld beteken om ʼn Oscar te wen,” het die bron vertel.

Aanhangers kan glo na ʼn nuwe album in 2016 uitsien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Elizabeth

Ag nee wat.

Elizabeth

Of wag, ek het nie behoorlik gelees nie. Groot agterstewe? O ok, nou verstaan ek

Dawie

As dit gaan oor agterstewe sal Kim Kardashian perfek wees sy het mos geen ander talent nie. ;-)

FC

Sy wens…

EMK

Ag regtig? Arme Saartjie was nie ‘n POPPIE nie, dis nie net die agterstewe wat tel nie. Los liewer vir Saartjie, sy was in haar lewe so misbruik deur die Europeërs vir die snaaksigheid, laat sy nou in vrede rus.