ʼn Seun van Noordhoek in Bloemfontein is Woensdag deur weerlig doodgeslaan.
“Die seun het tydens ʼn donderstorm oor ʼn oop stuk veld gestap toe die straal hom getref het,” het Christo Venter, woordvoerder van ER24, gesê. “Paramedici het die seun in die veld aangetref. Hulle het probeer om hom by te bring, maar hy is op die toneel dood verklaar.”
Die seun se naam en ouderdom is nie bekend gemaak nie.