Tronkbewaarders van die Mangaung-gevangenis in Bloemfontein het Woensdag aan ʼn onbeskermde staking begin deelneem.
Joe Maako, die gevangenis se besturende direkteur, het Donderdag gesê die bewaarders staak nadat een van hul kollegas Maandag geskors is. Die bewaarders word deur ʼn privaatveiligheidsmaatskappy aangestel en betaal.
“Die bewaarder wat geskors is, word van intimidasie aangekla en dat hy bewaarders beïnvloed het tydens loononderhandelinge,” het Maako gesê.
Die staking het Woensdag begin. Donderdag het slegs ʼn handjievol van die gevangenis se 400 bewaarders vir diens opgedaag.
Volgens Maako sal die bewaarders Donderdag met hul werknemer vergader.
Gooi die tronk se deure oop, dit sal geen verskil maak nie.