Bloulig-tiener se bestuurder uiteindelik aangekla

Die bestuurder van die blouligmotor wat Thomas Ferreira glo op sy motorfiets omgery het, is uiteindelik strafregtelik aangekla.

Joseph Modomai Semietjie was glo die bestuurder van LUR Humphrey Mmemezi se ampsvoertuig, ’n BMW X5, wat Thomas (19) op 5 November verlede jaar in Krugersdorp omgery het, berig Beeld. Semietjie sal na verwagting op 19 Junie in die landdroshof in Krugersdorp verskyn. Volgens Phindi Louw, woordvoerder van die nasionale vervolgingsgesag (NVG) word hy aangekla van roekelose of nalatige bestuur, die plig van ’n bestuurder om die omvang van beserings te bepaal, om enige beseerde persoon tot die beste van sy vermoë te help en om die omvang van enige skade wat tydens die ongeluk aangerig is, te bepaal.” Thomas se ma, Priscilla Ferreira sê dit is “baie goeie nuus”. Semietjie was tot nog toe in aktiewe diens.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.