Drie mense is in die Elsburg-gebied afgetrek wat elk meer as 173 km/h gery het.
Inspekteur Kobeli Mokheseng, woordvoerder vir die metropolisie, sê die drie bestuurders is in beide rigtings op die N17 in Elsburg, Ekhurhuleni gevang.
“ʼn 40-jarige vrou met ʼn wit BMW het 173 km/h gery; ʼn 35-jarige man is in ʼn wynrooi BMW gevang wat 179 km/h gery het; en ʼn 29-jarige man het met sy wit BMW teen 182 km/h gejaag,” het hy gesê. Die drie bestuurders se verskonings sluit in dat hulle “jaag om probleme by die huis uit te sorteer,” “laat is vir ʼn vlug,” en “laat is vir kerk”. Hulle is in hegtenis geneem en vir roekelose en nalatige bestuur in hegtenis geneem. Hulle sal binnekort in die landdroshof in Germiston verskyn, het Mokheseng gesê.
