In die Engelse stad, Rugby, is ‘n boek wat 63 jaar gelede by ‘n biblioteek uitgeneem is, pas terugbesorg.
Die persoon wat die boek, “Die avonture van Pinocchio” terugbesorg het, het ‘n amnestie-periode, wat die biblioteek afgekondig het, benut om die boeke boeteloos terug te besorg. Indien die lener die volle boete sou moes vereffen sou hy meer as £4 000 (meer as R72 500) moes opdok.
Die biblioteek het die boek nie vermis nie, waarskynlik omdat dit oor verskeie eksemplare beskik het.
Bronne: Daily Mail, ITV News, Trouw