‘n Boer van Zimbabwe het ‘n leeu-aanval oorleef.
The Chronicle het Saterdag berig dat ‘n leeuwyfie op Joel Ngwenya naby die Hwange-natuurreservaat, in die verre noordwestelike gedeelte van die land, afgestorm het, en sy arms en bolyf gegryp het en hom bewusteloos gelaat het. “Die leeuwyfie het reg in my oë gekyk, en gestaar en gebrul,” het Ngwenya uit sy hospitaalkamer gesê, berig Salon. Die leeu het hom glo met haar pote vasgedruk en in sy gesig bly staar. Sy het vir ‘n kort rukkie aandag gegee aan ‘n leeuwelpie, en toe weer haar aandag op hom gevestig. Hy het uiteindelik sy bewussyn herwin. “Die leeu het my net daar laat lê en toe weggegaan,” het hy gesê.