Die liggaam van ‘n Queenstown-boer is in ‘n vrieskas opgespoor, het die Oos-Kaapse polisie Dinsdag gesê.
“Die 67-jarige man se liggaam is Maandag in sy winkel opgespoor,” het lt. Pumzile Makaula, woordvoerder van die polisie, gesê. Die man se werknemers het bekommerd geraak toe hy nie die hek vir hulle oopgemaak het nie en het na hom begin soek.
Makaula sê ‘n nadoodse ondersoek sal die oorsaak van sy dood bepaal.