ʼn Boer van Bethlehem in die Vrystaat is dood nadat ʼn trekker, waaraan hy gewerk het, op hom geval het.
“Die man, in sy veertigs, het Dinsdagaand laat aan die trekker gewerk,” het Vanessa Jackson, ʼn woordvoerder van ER24, Woensdag gesê. “Sy vrou het Woensdagoggend gesien haar man het nog nie huis toe gekom nie.”
Die boer se seun het na hom gaan soek en was geskok toe hy op sy pa se liggaam onder die trekker afgekom het.
Die man is op die toneel dood verklaar.