Die departement van arbeid sê bewerings dat inspeksies op plase vooraf met boere gereël moet word, is onwaar.
Die direkteur-generaal van inspeksie en die toepassing hiervan, Siyanda Nxawe, sê die berigte is misleidend vir boere wat saam met die departement wil werk en aan wetgewing wil voldoen. Dit kom na berigte waar ʼn landbou konsultant aangehaal is waar hy gesê het volgens die Basiese Voorwaardes van die Indiensnemingswet moet beamptes van die departement skriftelik ʼn afspraak met boere maak voor ʼn inspeksie gedoen kan word. Nxawe het dit as onsin afgemaak. Hy sê volgens die wet kan beamptes enige werksplek besoek sonder kennisgewing. Nxawe sê die enigste plek waar ʼn beampte nie kan binnegaan sonder toestemming nie is iemand se blyplek.