Bosch-moordbeskuldigdes vrygespreek

Die ses mans wat aangekla word van die moord op die kunstenaar Cornelius Bosch is Vrydagoggend vrygelaat nadat die aanklagte teen hulle teruggetrek is in die Pretoria landdroshof.

Landdros Bernard Swart het die mans vrygelaat nadat die staatsaanklaer, Hanna Conradie, aan die hof gesê het dat die direkteur van openbare vervolging besluit het om die saak teen die ses mans terug te trek weens ʼn gebrek aan bewyse. Die ses beskuldigdes was Schabir Mohammed, Abraham Rabie, Delgado Swartz, Llewellyn Lottering, Lee Maggie en Bosch se persoonlike assistent Christoffel Potgieter. Bosch is op 24 Februarie as vermis aangemeld. Sy verkoolde liggaam is dae later in ʼn veld naby sy huis in Kameeldrift gevind. Drie van die mans, Rabie, Lottering en Maggie sal nou tereg staan op aanklagte van diefstal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Voight ·

Skokkend ! Waarom was daar nie genoegsame bewyse nie ? Iemand het nie sy werk gedoen nie !

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.