Mugly. Foto:IOL
ʼn Haarlose brakkie van Brittanje, Mugly, is Vrydagaand as die wêreld se lelikste hondjie aangewys.
Die 8 jaar oue Chinese maanhaarhond (Chinese-crested) het teen 24 gebroedsel om dié titel meegeding tydens die 24e jaarlikse World Ugliest Dog-kompetisie wat jaarliks in Amerika aangebied word, berig IOL.
Mugly se eienaar, Bey Nicholson, het $1 000 prysgeld ontvang en Mugly ʼn spesiale manteltjie. Nicholson sê in haar oë is Mugly pragtig, “van binne en buite”.
