ʼn Brand het Sondagoggend in ʼn woonstelblok in Hillbrow in die middestad van Johannesburg uitgebreek, het nooddienste gesê.
Woordvoerder Robert Mulaudzi het gesê die brand het omstreeks 03:30 op die sesde vloer uitgebreek. “Ons het almal ontruim en brandbestryders het die brand om en by 05:30 geblus. ʼn Man is na die hospitaal geneem nadat hy uit die tweede verdieping gespring het.” Mulaudzi sê die oorsaak van die brand word ondersoek. -SAPA
