Brandweerpersoneel is tans besig om ʼn brand by die Tempe-weermagbasis in Bloemfontein te bestry.
Braam van Zyl van die Mangaung-brandweerdienste het aan OFM gesê die gebou wat in ligte laaie is, is ʼn drieverdieping hostel. Die brand woed op die boonste verdieping.
Van Zyl sê hulle gaan binnekort die gebou deurgaan om seker te maak dat almal veilig is. Na wat verneem word, word een persoon vir rookinaseming behandel.
Die oorsaak van die brand is nog nie bekend nie.