ʼn Brandbestryder het Saterdag ʼn 35-jarige man van verdrinking gered in Broadway, Durban-Noord.
Chris Botha, woordvoerder van Netcare911, sê die man was naby aan verdrinking in ʼn swembad in Kensingtonweg toe die brandbestryder hom uit getrek het. “Hy is op ʼn ventilator geplaas en op ʼn traumabord geïmmobiliseer voor hy na ʼn plaaslike hospitaal geneem is vir verdere behandeling.” Botha sê dit is nog nie duidelik hoe die man in die swembad beland het nie.