ʼn Vermeende brandbestryder is Sondagaand in Turffontein, Johannesburg, dood nadat sy motorfiets deur ʼn motor getref is.
“Die man was bewusteloos en paramedici het noodhulpbehandeling toegepas. Hy is op die toneel dood verklaar,” het Santi Steinmann, woordvoerder vir Netcare911, gesê. Hy was vermoedelik ‘n brandbestryder. Die bestuurder van die motor het geringe beserings opgedoen en is na ʼn hospitaal geneem.