‘n Branderplankryer het Maandag ernstige beserings opgedoen nadat hy die groot golwe van Mainstrand naby Richardsbaai aangedurf het.
“Die man het omstreeks 14:00 op ‘n golf gery toe iets verkeerd geloop en hy ‘n besering aan sy bene opgedoen het,” het Chris Botha, woordvoerder van Netcare911, gesê. Paramedici het hom op die toneel stabiliseer en na ‘n Netcare-hospitaal geneem vir verdere behandeling.