Argieffoto
‘n Boodskap in ‘n bottel wat aan ‘n vrou met die naam ‘Mary’ gerig is, en deur ‘n Kanadees in 1985 in die Atlantiese Oseaan gegooi is, het nou 28 jaar later en 8 000 km verder uitgespoel.
“Mary, jy is ‘n wonderlike persoon. Ek hoop ons kan in kontak bly. Ek het gesê ek sal skryf. Jou vriend vir altyd, Jonathon, Nova Scotia, 1985,” lui die briefie wat deur die 23-jarige Matea Medak Rezic van Kroasië opgetel is. Rezic het aan ‘n strandskoonmaak-veldtog in Kroasië deelgeneem toe sy die bottel gesien het. “Die bottel het tussen die gemors gelê wat die winterreën uitgespoel het,” het sy aan AFP gesê. “Die bottel was gebreek, maar die boodskap, wat in ‘n blou balpuntpen geskryf is, was nog in ‘n goeie toestand, aangesien dit met plastiek bedek was.
