Britse paartjie ongedeerd na nag op Tafelberg

‘n Britse paartjie wat op Tafelberg vermis geraak het is Sondagoggend ongedeerd gevind.

‘n Woordvoerder van die Wes-Kaapse gesondheidsdepartement, Darren Francis, sê die paartjie, albei 28, is Saterdagmiddag omstreeks 3uur as vermis aangemeld in die McClear’s Beacon omgewing. Francis sê die paartjie het die nag op die berg spandeer en is albei vir ligte hipotermie behandel. Reddingswerkers en die paartjie het sowat twee uur geloop om van die berg af te kom.