Die Telegraph, ‘n aanlynkoerant in Brittanje, het 17 000 lesers gevra om hul reisgunstelinge wêreldwyd aan te wys.
Die lesers het Singapore Airlines as hul gunsteling langafstand lugredery bo Emirates en Air New Zealand aangewys. Nieu-Seeland dra die kroon as gunsteling land om te besoek, terwyl Maldives in die tweede plek, en Suid-Afrika in die derde plek aangewys is.
Kaapstad is loshande as die lesers se gunsteling wêreldwye stad aangedui om te besoek. Vancouver in Kanada en New York in Amerika was onderskeidelik tweede en derde.