Burry Stander: Taximan op waarskuwing vry

Burry Stander Foto: Facebook

Njabulo Nyawose, die taxibestuurder wat in die ongeluk betrokke was waarin bergfietsryer Burry Stander gesterf het, het Maandag in die landdroshof in Port Shepstone verskyn.

Stander (25) het verlede Donderdagmiddag van ‘n oefenrit in Shelley Beach aan die suidkus van KwaZulu-Natal teruggekeer, toe die noodlottige ongeluk plaasgevind het. Die ongeluk het reg voor sy fietswinkel, Concept Cyclery, gebeur.

Natasha Ramkisson, woordvoerder van die Nasionale Vervolgingsgesag, sê Nyawose word aangekla van strafbare manslag en roekelose of nalatige bestuur.

Hy is op ʼn waarskuwing vrygelaat en moet weer 22 Maart in die hof verskyn sodat die ongeluk verder ondersoek kan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Riaan ·

Sou seker nie so lig afgekom het nie as dit n wit bestuurder was en n swart fietryer nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.