Caster Semenya is die eer toegestaan om tydens die opening van die Olimpiese Spele, Suid-Afrika se vlag te dra. Dié aankondiging is Woensdagaand in Sandton, Johannesburg, gemaak tydens die afskeidspartytjie vir die Suid-Afrikaanse span. Die aankondiging is openhartig deur haar spanmaats verwelkom.
Semenya het voorheen internasionale nuus gemaak na haar geslag en prestasies tydens die vorige Olimpiese Spele bevraagteken is. In 2009 moes sy ná haar sege toetse in Berlyn ondergaan om haar geslag te bevestig.
Die Suid-Afrikaanse span vertrek Donderdagmiddag na Londen vanaf OR Tambo Internasionale Lughawe.
Die openingskouspel van die 2012 Olimpiese Spele vind 27 Julie in Londen plaas.